Bidət əhli möminlərin anası olan Aişə haqda şübhə gətirib deyirlər ki, müsibət baş verdiyi zaman Aişə üzünə vurur və ağlayırdı, deməli Aişə bunu edibsə, bizim etməyimizdə bir günah yoxdur.

Rəvayət edilir ki, Aişə (Allah ondan razı olsun) demişdir: "Allah Elçisi ﷺ mənim otağımda, başı mənim dizimin üstündə olan zaman vəfat etdi. Mən də bilmədiyimə və yaşımın az olmasına görə Allah Elçisi ﷺ vəfat edən kimi onun başını dizimin üstündə çəkib döşəyə qoydum, sonra durub qadınların yanına gedərək üzümə vurub ağlamağa başladım".

Özlərinə "Qurani" deyənlər iddia edirlər ki, hədisləri Əməvi və Abbasi xəlifələri dönəmində xəlifələr həmin hədislərin mətnlərini və isnadlarını dəyişmiş, xilafətlərinin qorunması üçün özlərinə sərf edən hədislər uyduraraq onlara müdaxilə etmişlər.