"Əməl yoxdursa, iman da yoxdur" şübhəsi

English

Şübhə olaraq deyirlər ki, “əməl yoxdursa, iman da yoxdur”, yəni insan günaha görə Cəhənnəmə düşəcəyini, tərk edəcəyi təqdirdə Cənnətlə mükafatlandırılacağını bilirsə, lakin günah edirsə, deməli bu insanın qəlbində iman yoxdur. İman olsaydı əməl edərdi”.

Şübhəyə cavab: 
Peyğəmbər (salləllahu aleyhi və səlləm) müsəlmanı öldürənin, qadına heyz vaxtı yaxınlaşanın, özünü atasından başqasına nisbət edənin, ox atmağı öyrəndikdən sonra onu tərk edənin və s. kafir olduğu və ya imanının olmadığını qeyd etmişdir. Lakin, bu onların kafir olaraq Cəhənnəmdə əbədi qalacaqları mənasına gəlmir. Həmçinin, vacibliyinə inanaraq namazı tərk edənin küfrü ilə əlaqələndirib, onların Cəhənnəmdə əbədi qalmalarını söyləmək düz deyil. Aşağıda qeyd edəcəyimiz hədislər zahirən bu əməlləri edənin küfr etdiklərini bildirməkdədir. Amma bu, onların kafir olması mənasına gəlmir. Burada nəzərdə tutulan dindən çıxarmayan böyük günahlardır.
 
عَنْ سَعْدِ بْنِ عُبَيْدَةَ ، قَالَ : سَمِعَ ابْنُ عُمَرَ ، رَضِيَ اللَّهُ عَنْهُمَا رَجُلاً يَحْلِفُ بِالْكَعْبَةِ فَقَالَ : لاَ تَحْلِفْ بِالْكَعْبَةِ فَإِنِّي سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ : «مَنْ حَلَفَ بِغَيْرِ اللهِ فَقَدْ كَفَرَ أَوْ أَشْرَكَ»
 
Səd ibn Ubeydə belə deyir: “İbn Ömər (Allah ondan raz olsun) bir kişinin Kəbəyə and içdiyini eşitdi və buyurdu: “Kəbəyə and içməyin, çünki mən Allah Elçisinin (salləllahu aleyhi və səlləm) belə buyurduğunu eşitmişəm: “Allahdan başqasına and içən küfr və ya şirk etmişdir”. (əl-Hakim, 7814; ət-Tirmizi, 1535. əl-Albani səhih olduğunu bildirmişdir).
 
«سِبَابُ الْمُسْلِمِ فُسُوقٌ وَقِتَالُهُ كُفْرٌ»
 
Peyğəmbər (salləllahu aleyhi və səlləm) de­mişdir: “Müsəlmanı söymək fasiqlik, ona qarşı vuruşmaq isə küfrdür”. (Muslim, 64).
 
«مَنْ أَتَى حَائِضًا أَوِ امْرَأَةً فِى دُبُرِهَا أَوْ كَاهِنًا فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللَّهُ عَلَيْهِ وَسَلَّمَ»
 
“Kim aybaşı olan qadınla və ya qadına arxa orqanından yaxınlıq edərsə, yaxud sehrbazın yanına gəlib onun dediklərini təsdiqləyərsə, artıq Muhəmmədə (salləllahu aleyhi və səlləm) nazil olanı inkar etmişdir”. (ət-Tirmizi, 135; İbn Macə, 639; Əhməd, 9279, 10170; əd-Dərimi, 1136. əl-Albani səhih olduğunu bildirmişdir).
 
«لاَ تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»
 
“Məndən son­ra bir-birinizin boynunu vuraraq kafir olmayın!” (Muslim, 65).
 
«الْعَهْدُ الَّذِى بَيْنَنَا وَبَيْنَهُمُ الصَّلاَةُ فَمَنْ تَرَكَهَا فَقَدْ كَفَرَ»
 
“Bizimlə onların arasında əhd namazdır. Kim onu tərk edərsə küfrə düşər”. (Tirmizi,  2621. əl-Albani səhih olduğunu bildirmişdir).
 
«لَيْسَ مِنْ رَجُلٍ ادَّعَى لِغَيْرِ أَبِيهِ وَهُوَ يَعْلَمُهُ إِلاَّ كَفَرَ، وَمَنِ ادَّعَى قَوْمًا لَيْسَ لَهُ فِيهِمْ فَلْيَتَبَوَّأْ مَقْعَدَهُ مِنَ النَّارِ».
 
“Kim bi­lərəkdən doğma atasının deyil, başqa birisinin oğlu olduğunu iddia edər­sə, küfr etmiş olar. Kim özünün heç bir qohumluq əlaqəsi olmadığı bir qə­bi­lə­yə mənsub olduğunu iddia edərsə, qoy Cəhən­nəmdəki yerini tutsun” (əl-Buxari, 3508).
 

Mövzular: