Şəriətdə miqdar ilə imanı batil edən heç bir şey yoxdur. Yəni, “bir dəfə etsən imanın olur, lakin heç etməsən imanın olmur!”- deyə bir şey yoxdur və bu batildir. Necə ki, Şeyxul-İslam İbn Teymiyyə (Allah ona rəhm etsin) “Sarimul-Məslul” kitabında bu qaydanı qeyd etmişdir: “Əgər bir əməl insanı kafir edirsə, istər onu bir dəfə etsin, istər on dəfə etsin, fərq etməz. O, kafirdir”. Məs; Peyğəmbəri (səllsllahu aleyhi və səlləm) söyən. İstər bir dəfə söysün, istər on dəfə söysün, fərq etməz. O kafirdir. Və ya Quran ayəsini inkar edən. İstər bir ayəni inkar etsin, istər hamısını inkar etsin. O kafirdir. Yəni “Külli Əməli” tərk edən kafirdir, lakin bir neçə əməli tərk edən kafir deyil”- söyləmək batildir. Çünki, əgər əməli tərk etmək küfr sayılardısa, onda birini yoxsa hamısını tərk etmək arasında fərq olmazdı.