Va aleykumus-Sələm va rahmətullah. Şeyx Abdullah əl-Buxari hədisçi, sələfi və alimdir. Buna isə böyük şeyxlər şahidlik edirlər. Şeyx hələ Mədinə İslam Universitetində magistiraturanı bitirib, doktoranturada oxuduğu illərdə Şeyx Rabi ibn Hədi əl-Mədxəli (Allah onu qorusun) onun barəsində dediklərindən:

Şeyx Abdullah əl-Buxari magistiraturanı bitirdiyi vaxtlarda allamə Rabi ibn Hədinin ona verdiyi tərif və təzkiyyə

Sual: Mədinədə Şeyx Abdullah əl-Buxarinin dərslərində oturmaq olarmı?

Cavab: Mən Mədinədəki qardaşlara Şeyx Abdullah əl-Buxarinin dərslərində oturmağı nəsihət edirəm. Həqiqətən o, Əhli-Sünnənin ən xeyirlilərindən, hər bir vaxtda Sünnəni müdafiə edənlərdəndir. Sünnəni və Sünnə əhlini müdafiə etmək mövzusunda kitablar yazır, bəyan edir, səfərlər edir. Onunla ən çox müharibə edənlər hava əhlidir. O, Allahın izni ilə ən xeyirli Sünnə əhlindəndir. Allahdan istəyirəm ki, bizi də, onu da Sünnə üzərində sabit etsin, həm bizimlə, həm də onunla insanlara fayda versin. Onun barədə ən gözəl sələfi olmasından başqa bir şey bilmirəm. Hamımız xəta edirik, xəta edənlərin ən xeyirliləri isə tövbə edənlərdir. Bu kişinin dərslərində iştirak edin. O, İslam Universitetini bitirənlərin ən fəzilətlilərindəndir, magistirdir, indi də bildiyim qədəri ilə doktoranturada oxuyur. O, ən zəkalı insanlardan, sələfi mənhəcini ən yaxşı bilənlərdəndir. Onun dərslərində oturun və ondan faydalanın.

(Şeyx Rabi ibn Hədinin İmam Əcurrinin əqidə mövzusunda yazdığı "Şəria" kitabına yazdığı "Zəria ilə Məqasidi əş-Şəria" 3/ 329 adlı kitabından).

Həmçinin, Şeyx Ubeyd əl-Cəbirinin şeyx barəsində dediklərini buradan dinləyə bilərsiniz: 

Şeyx Ubeyd əl-Cabiri - Şeyx Abdullah Buxari 'alləmə' adlanmağa layiqdir

Bir kimsənin alim olmasını başqa alimlərin onun barəsində dediklərindən bilmək olur.